دكتور صبرى إسماعيل

دكتور صبرى إسماعيل إستشارى طب الأطفال} {atfal6@yahoo.com}
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
دكتور صبرى إسماعيل--إستشارى طب الأطفال وحديثى الولادة بمستشفى كفر الشيخ العام والتأمين الصحى--العيادة كفر الشيخ-خلف حديقة زويل-بجوار كتكوت الظن للعليقة--------العيدة مجهزة لعمل اختبار الذكاء للأطفال وتقييم النمو الجسدى والعقلى

شاطر | 
 

 قوافل مبدعين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 184
تاريخ التسجيل : 24/04/2011

مُساهمةموضوع: قوافل مبدعين   الخميس أغسطس 18, 2011 3:31 pm

قوافل مبدعين
********
أشعار الدكتور صبرى إسماعيل
*******
كل يوم السبت بدرى-----والبشر نايمين سطيحة
بعد مابنصلّى نجرى---------عم سعد مع مديحة
حاج سيّد أسطى فكرى-------كلّه جاهز للطريحة
*******
والأوامر م الإدارة------------قبل سبعة بالتمام
الكسل ماهوش شطارة--------الشطارة الإنتظام
والمنسق بالمهارة ---------عرجاوى إبن الكِرام
*******
تِلقى شمس الدين بحالُه---تِلقى خالى أبو حليمة
والمنسق جاب رجالُه-----صيدلى طبيب حكيمة
دا القوافل دى رِسالة------من حكومتنا الكريمة
******
والعِراقى ودكتوراتى----سحس برضه أبو شنب
والنكت تطلع يوماتى—---لو فى طوبة أو رجب
وابن صبرى يقول يِهاتى--والورق شاف العجب
******
والبنات المستحيّة-----واللى شوقهم فى النِقاب
واللى صوته بندقية---واللى غاوى ياناس كباب
كلّنا ناوينها نيّه------—--مسئولية فى الرقاب
******
يلاّ بينا سوق ياريّس--------يلا بينا ياعم ماهر
إنتبه ركزّ كويّس--------خلّى بالك م المشاعر
إوعى ياشعبان تتيّس-----دالأطبا معاك وشاعر
*******
أوفّ يابه على دى خيمة--اتنصب صيوان كبير
فيها خِبرة وليها قيمة------جايّة بالطب الوفير
والجماهير العظيمة---------والعساكر والغفير
*******
وانت ياعرجاوى حازم----بالذكاوة مع الهدوء
ما الجميع شغّال وعازم-يبقى جزء من الشروق
تِنجح القافلة ولازم-----------البلد تطلع لفوق
*******
واجتماع دكتور جادالله----والصفية تقول وراه
الكلور بيشيل ماشالله------أى عدوى واشتباه
بالجهود الكل يعلى-----صحة تاجنا وخير جاه
*******
شوف كتيبة الصيادلة—--وال منى رمز التفانى
يوم عمل فوق المجادلة-بالحِسان محظوظ ياهانى
شغالين بطريقة عادلة—--مافى راحة لو ثوانى
*******
والنوابغ والحاسوب---------والفوارس باقتدار
حاجة تسحر فى القلوب--—والأشعة والسونار
كلنا فى بهنس ندوب—--حتى مبروك والدولار
*******
وابراهيم الواد لذيذ------بكر نادى فى الثقافة
مهدى ريس عب عزيز-وابن غازى أبو اللطافة
المرض كابوس يغيظ---------كلنا ضد الخرُافة
*******
كلّه جاىّ بيشكى عِلة—-اللى قلبه واللى راسه
والحكومة عاملة ضِلة-والجميع يِخدم فى ناسه
لاجل تبقى مصر فُلّة---والمرض ننسف أساسه
*******
إبراهيم عباس وأيمن------- ونها وابو حليمة
مشكورين م الناس ودايماً-تحليلات جداً عظيمة
تحويلات عند الضرورة---والجراحة بإيد كريمة
*******
قوم ولعلع ياأديب-----------يامدير التدريبات
ثورتك ثورة طبيب---------ضد أى خزعبلات
ضد أى سلوك غريب-----كان سبب كل الآفات
*******
سواقين شادّين طوارئ—عبده واحمد وابراهيم
ليل نهار الجهد فارق-----سبحانك ربّى العظيم
منِّك انت كل نِعمة-----------والطريق المستقيم
******
هبّ نِلقى الوقت راح ----واربعة بالضبط نِركب
تلتئم كل الجراح--------وابتسامة تبقى مكسب
برضه نِرجع بانشراح-زىّ رِحلة فى قلب مركب
*******
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://atfal6.forumegypt.net
 
قوافل مبدعين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دكتور صبرى إسماعيل :: الفئة الأولى :: زجل وِشعر فى مجال الطب نقد وتوعية-
انتقل الى: