دكتور صبرى إسماعيل

دكتور صبرى إسماعيل إستشارى طب الأطفال} {atfal6@yahoo.com}
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
دكتور صبرى إسماعيل--إستشارى طب الأطفال وحديثى الولادة بمستشفى كفر الشيخ العام والتأمين الصحى--العيادة كفر الشيخ-خلف حديقة زويل-بجوار كتكوت الظن للعليقة--------العيدة مجهزة لعمل اختبار الذكاء للأطفال وتقييم النمو الجسدى والعقلى

شاطر | 
 

 مصر زعلانة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 184
تاريخ التسجيل : 24/04/2011

مُساهمةموضوع: مصر زعلانة   الثلاثاء أبريل 17, 2012 3:37 pm

مصر زعلانة
******
زجل الدكتور صبرى إسماعيل
******
بين المزارع شُفتها ماشية----------متشددة وعيونها دبلانة
التوب مترّب والسواد غالب---والدمعة نازلة تِجرى زعلانة
قلت لها مالك با امّنا قولى----ولاّ انتى منّى برضه غضبانة
دااحنا فداكى لونموت نحيى---والصرخة تِبقى فى العِدا دانة
ردّت عليّا بنِفس مكسورة---------عايزه تِنهنِه بس وجعانة
جاىّ من وليدى لمّا ينسانى---وحروفه ترعب قلب مُرجانة
لفّ السواقى نلتقيه كِدبة-----والأرض تعطش تبقى حيرانة
الورث خايب والصويت حامى-----والكلّ بالع قِصّة ولبانة
طب ليه أغيّر طرحتى وشالى------ويلبسّونى عيرة خيبانة
واللى بكلامهم زودوا حِملى ----–ويجرّحونى بعِلّة خسرانة
القلب آسى والضنا اتبدّل-----------القلب برّة والجفا معانا
زعلتوا نيلكم والهرم هاسس-----والكُره أصبح سِلعة ولهانة
طب ليه نسيتوا نصرنا بسينا------وعبور قنالنا اللى علاّنا
كانت إيديكم كلكم واحدة---------ترمى عليهم لو عدو جانا
الكرسى أصبح نار بتحرقكم----وصراح هيمحى كلّ ذِكرانا
واللى بيهدم فى التاريخ كلّه-----ورموز بلدكم اللى صانعانا
بصّوا عليهم مين فلح فيهم--------اللّى شعارهم قتل وخيانة
بيقسموها كل يوم حِتّة-----------واليُتم أصبح عندهم خانة
الفقر واكل ستر أعراضهم-------وبتفجيراتهم اللى داوشانا
ضمّوا الأيادى لاجل تعلو بى--------والحب يبقى سرّ لقيانا
والسد يبعت خيره لقلوبنا-----والضِحكة ترجع تحيى موتانا
يارب تِحمى مصرنا بحالها---دااحنا ف كتابك وانت مولانا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://atfal6.forumegypt.net
 
مصر زعلانة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دكتور صبرى إسماعيل :: الفئة الأولى :: الشعر الوطنى والاجتماعى والساخر-
انتقل الى: