دكتور صبرى إسماعيل

دكتور صبرى إسماعيل إستشارى طب الأطفال} {atfal6@yahoo.com}
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
دكتور صبرى إسماعيل--إستشارى طب الأطفال وحديثى الولادة بمستشفى كفر الشيخ العام والتأمين الصحى--العيادة كفر الشيخ-خلف حديقة زويل-بجوار كتكوت الظن للعليقة--------العيدة مجهزة لعمل اختبار الذكاء للأطفال وتقييم النمو الجسدى والعقلى

شاطر | 
 

 ولاد الأباعد {الدكتور صبرى إسماعيل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 184
تاريخ التسجيل : 24/04/2011

مُساهمةموضوع: ولاد الأباعد {الدكتور صبرى إسماعيل   الأحد مايو 08, 2011 5:33 pm



ولادالأبـــاعد
******
بقلم الدكتور/صبرى إسماعيل
******
مساكين ولاد الأباعد اللى جابوا مجاميع
سهروا الليالى الطويلة وإتقطّـعوا تقطيع
مابين دروس الخصوصى أوشاشة فيها مذيع
****
شلنا الورق وجرينا من بدرى ع التنسيق
والكل كان منهـمِك فى القصّ والتلزيق
فالطب كان الهدف واحلامنا ساعة الضيق
*****
سبع سنين بهدلة شفوى وتحريرى
فاكرين طريق الغِنى فى وظيفة م الـميرى
والخمـسة عين آه ياعينى كات هىّ تـبريرى
*****
ولمّا خدنا الشهادة قلنا خلاص نرتاح
نرحم شقا أهلِنا طول عمرنا الـلى راح
والقرش يجرىفى إيديّه وابقى طبيب جـراح
*****
البالطو الابيض لبسنا ووقفنا فى استقبال
فاكرين حياتنا صفت واتبدلت الاحوال
مدّينا إيدنا ف جيوبنا ما لقينا حتى ريال
*****
يوماتى نجرىعلى التوقيع حدا نوسـو
على مرعى وعمو البيه هنبوسـه
حتّى البلاط اشتكى من كتر ماندوسـه
*****
وإن غـبنا بيشطّبوا نقبضها كام ملهـوف
ناس تانية من غير تعب ياخذوا فى صفقة ألوف
لما المـيزان يتعوج بكرة كتير هنشوف
*****
وفى يوم خيبتنا التقيلة رُحنا حدا الصرّاف
عشان نجيب الماهية ونعيش عُزاز أشراف
لقيناها ما بتسقى ميّه ولا شبشبين نضاف
****
رغم النشاط الكبير طول النهار والليل
شايلين هموم البشر فى الإبرة والتحليل
ماهـمّنا نفسـنا والفايدة يشفى عليل
****
وقالوا لى لازم تسجيل يا إمّا نُطردك للريف
ف رحت قوام على أستاذ خفيف وظريف
طلب منى لبن عصفور وتوّهنى فى عِزّ الصيف
*****
ودوّرنا ودورنا كتير على عيادة
لازمها فلوس وانا المنحوس يا سادة
فكان لازم نروح الفتح وزيادة
*****
البعض عنده عيادة فعلا ودخله كبير
والبعض عنده عييده لكن بدون توفير
تِجرى وراه الضرائب وكل يوم فواتير
والباقى ريّح دماغه وراضى يبقى فقـير
*****
وراح العمر ولاح الشــيب فى كلّ الراس
ما عندى بيت ولاعـروسه وزىّ النّاس
ما ضاع العمر ياولدى وضـاع الاحساس
*****
لو اعرف أيه هيجرالى لكنت عملت فى السيراميك
فلوسـى كتير ومتشييك وماشى شيك
وأجمل بنت تتمنى أكون ليها وبس شريك
*****
بدال الغربة وسـِط الناس والتِرحال
قلوب قاسية تِهين فينا وناس جُهّال
عشانها فلوس وربى عالم الاحوال
******

وحتّى بعد الشقا عادت سنين الهم
عُدنا لخط البداية والسهر والغمّ
ماحد يرحم آسايا والألام فى الدمّ
******
رغم انِ جِسمى اِنكسر واحنا فوق الخمسين
قالو نعود للدرَك مهما صرخ حمدين
واقف مالاقى الكراسى دمّعى ياعين
*****
معقول اكون استشارى وارجع اِستقبال
ضعفان رجولى وما لى صِِِِحة الأشبال
يِرحم زمان الصِبا والعدل والريّال
******
بعد احترام البشر دلوقتى كلّه يهين
وكأنّه مش مشرطى بيداوى بنى أدمين
حاصرونى يالهوتى وكأنّى م المساجين
******
باداوى كلّ البشر والأخرة الاقى غراب
على الدوام يشتكى لكن بدون أسباب
بادعى عليه تنتقم ياربّ يا وهّاب
*******
والبلطجية بسيوفهم أعلنوها حرب
يومى نلاقى الإهانة فى اللغط والضرب
وكأننا م العدا أو وظيفتى ذنب
******
سهران ووارم رجولى مارحم حاتم
وان يِعلى صوتى خنقنى بالقلم كاتم
ومهما اقول لهوتى أو أنا نادم
*****
ماانا كعب داير ملفلف من مكان لمكان
بالطو ملازم كفاحى ورحلة الأحزان
إشهد على ظلمهم سجّل كمان يازمان
*****
ياناس العدل والرحمة د انا دكتور
مطالبينّى أكون كيّس ولا اشهد زور
طَب إدّونى مرتب زين واعيش مستور
*****
قوم الحقنا يا راعى الصحة والسكان
وزود لينا مصروفنا نعيش فى أمان
ونحيى زى كل الناس د انا إنسان
انا إنسان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://atfal6.forumegypt.net
 
ولاد الأباعد {الدكتور صبرى إسماعيل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دكتور صبرى إسماعيل :: الفئة الأولى :: زجل وِشعر فى مجال الطب نقد وتوعية-
انتقل الى: