دكتور صبرى إسماعيل

دكتور صبرى إسماعيل إستشارى طب الأطفال} {atfal6@yahoo.com}
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
دكتور صبرى إسماعيل--إستشارى طب الأطفال وحديثى الولادة بمستشفى كفر الشيخ العام والتأمين الصحى--العيادة كفر الشيخ-خلف حديقة زويل-بجوار كتكوت الظن للعليقة--------العيدة مجهزة لعمل اختبار الذكاء للأطفال وتقييم النمو الجسدى والعقلى

شاطر | 
 

 مين ملهمك؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 184
تاريخ التسجيل : 24/04/2011

مُساهمةموضوع: مين ملهمك؟   الأحد مايو 08, 2011 5:54 pm


مين ملهمك؟
*****
أشعار الدكتورصبرى إسماعيل
******
سألونى مين مُلهِمَك؟
ردّيت و قلت امّى
رَِبتنى من عطفِها وحَفظتها ف دمّى
إنْ قلت آاه تِرتعد ماهى أصلها أمّى
****
قالو ومين بَعدها؟
قلت الأب وحَنانه
وسنين محضّن قوى وواهِبنا وجِدانه
وف خيره عيشنا سوا زهور فى بُستانه
****
قالو ومين؟ رَدّيت
صبيّة من حُسنها ساكنة عروق دمّى
خَدنى حنان قلبِِها دايماً تِشيل همّى
حورية فى سِحرها وف عطفها أمّى
****
قالو ومين بعدهم؟
قلت الوطن والنيل
وبحر ناثر فى بلدى الفُلّ والأكاليل
وولد صغيّر قوى بيعشق المواوويل
*****
قالو ومين بعدهم؟
قلت قُدسى الحزينة
وسور بيفصل ولادها عن أغلى مدينة
وغصن زَيْتون رويته بدِمانا فى سينا
****
قالو ومين بعدهم؟
قلت البِحُور والدم
تِسيل وتجرىبالأسى والهمّ
قالو لى ليه يا ترى؟
أنا قلت قاتل ومقتول ولاد عم
****
قالو ومين بعدهم؟
قلت الغبى الإرهاب
وشظايا تِرمى الجُثث ما حدّدو أسباب
والجانى منى أنا لكن طَالع له نابْ
****
قالو ومين بعدهم؟
قلت اللى باعو ضمير
ودمّروا فى الوطن برضه بدون تفسير
****
قالو ومين بعدهم؟
قلت بنى صهيون
وجيش كبير الأعادى
وهجمته المجنون
وظُلم بيّن لِنا لكن فى يوم هيكون
إعصار يزيل حُصنهم بإذن رب الكون
****
سألوا وليه ماخافوا ربّنا؟
قلت الكريم هوّ
يمنحنى كل الأمل و العزم والقوة
قادر يهدّ القوى,,, هوّ العظيم هوّ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://atfal6.forumegypt.net
 
مين ملهمك؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دكتور صبرى إسماعيل :: الفئة الأولى :: الشعر الوطنى والاجتماعى والساخر-
انتقل الى: