إعلِن ياعباس الدولة
******
شعر الدكتور صبرىإسماعيل
*****
إعلِن ياعباس الدولة-------مين ويّاك اعظم م المولى!
إعلن صَحّى ضمير العالم ---دا اللاجئين ببلادهم أولى
إعلِن ياعباس الدولة
إعلِن يلاّ وعلّى ف صوتك--دا الصهيونى اِحتلّ بيوتك
لو سلّمْت فى آخِر فُرصة-----ماتلومهاش لو هىّ تِفوتك
إعلِن ياعباس الدولة
إعلِن حررّ كُلّ بِلادى ----سامع صوت الأقصى يِنادى
والقدس اللّى دموعها بعينها --- --بِتعاتب كافّة أولادى
إعلِن ياعباس الدولة
إعلِن دا اِحنا معاك والنيل-------وخليجنا وجميع الجيل
ودمشق وبيروت والمغرب---والخرطوم وعدن وجليل
إعلِن ياعباس الدولة
إعلِن مايهِمّك أمريكا-------ولا فيتو بمجلس شيكا بيكا
بالإيمان المولى نصَرنْا------ع الفرس وروما وهاديكا
إعلِن ياعباس الدولة
إعِلِن واِحنا نكون إيد واحدة--والأطياف يِجمعها الوِحِدة
ورصاصى مايكون لإخوانى--يبقى بصدر كلاب البُعدا
إعلِن ياعباس الدولة
إعلِن دا الملايين هتفتها------فى الثورة العربيّة قالتها
والوعد المكتوب بكتابى------سُبحانُه عارف توقيتها
إعلِن ياعباس الدولة
الرئيسية 
أحدث الصور 
التسجيل 
دخول 
