قصص الأنبياء بالشعر العامى
********************
أشعار الدكتور صبرى إسماعيل
********************
الجزء الأول سيدنا {أدم__إدريس__ نوح}
1---سيدنا أدم عليه السلام
*****
*****
بسم الله نبدأ قصص--—الأنبيا الطاهرين
من أدم ابو البشر--—خلقه الإله من طين
بالأمر قال اسجدوا----- ياملايكة يا مُطيعين
سجدوا ورفض الشقى—إبليس غبى ولعين
بغروره صابه الوبا—-ملعون ليوم الدين
من ضِلع سيدى النبّى-—ولمّا ربّى يِحين
يخلقها وبقدرته—------حوّاء تسرّ العين
فى الجنة عاشوا سوا-—واتمتّعوا الاتنين
لكن فى لحظة أسى—--ووسوسة شياطين
سمعوا الكلام وكلوا---من شجرة ياسامعين
رغم انّ ربى أمر--------وكانوا مَنهيين
إبليس بيمكر لهم—---والعقل منهم فين!
تابوا إلى ربّنا—-----واستغفروا تايبين
لكن بعدل الملك-----يُؤمُر نقول له آمين
نزلوا جميعاً سوا—--للأرض متناحرين
قابيل بيقتل هابيل----—ياخيبة القاتلين
أدم يابدء البشر------كل البشر راجعين
متجمعين كلهم-----يوم الحِساب والدين
******
******
2--إدريس عليه السلام
****
*****
لكل أمّه نبى ---------أوحى إليه ربّى
أوصى ب حسن الخلُق------ول جنته سار بى
قال اعبدوا ربّنا-------وسيروا على دربى
لا إله إلاّ هو----------فى الكون يُنير دربى
*******
إدريس فى لحظة رُفع-----وفى السما الرابعة
بقدرتك يا إلهى---عرشك فوق السابعة
رسالة الأنبياء---من صدرهم نابعة
**********
*********
3---سيدنا نوح{عليه السلام}
***********
يانوح ياسيدى النبى عليك سلام الله
الكُفر غطّى البشر والجهل ساد ويّاه
ربّى بوحيه أمر {أن إعبدوا إياه}
سنوات طويلة دعى اللّى بعقله تاه
والباغى من قسوته جمع الردى وجناه
بيفتكر دنيتة نهاية المعاناة
نوح اشتكى ل ربنا القلب ما أعياه
بأمر ربّى صنع سفينة المُحاياة
مِن كلّ زوج اجتمع فوق السفينة حياة
والسيل نِزل م السما الأرض تُصرخ آاه
بينادى نوح الولد وإبنه ما أغباه
طالع لفوق ع الجبل طوفانه جارى وراه
وفجأة ضاع الولد أصل الحياة ملهاه
طافت سفينة الهنا شايلة الأمل والجاه
من كل زوج اجتمع بالطُهر صنعوا حياة
************************************************************************************************************************************************************
قصص الأنبياء بالشعر العامى
********************
أشعار الدكتور صبرى إسماعيل
********************
الجزء التانى سيدنا {هود_صالح_شعيب}
4-سيدنا هود عليه السلام
******
إرم بكلّ الغرور-----تِبنى القصور بِ عِماد
من ظُلمهم يفسدوا------ويخربّوا فى البلاد
ل غير مُغيث يسجدوا- --مايرتجع أوغاد!
أوحى ل هود رَبنّا---------إذهب إليهم عاد
إنصح وقول كلمتك- --ليه الضلال ياعباد
وغيره ليه تعبدوا—وفى أرضه تعثوا فساد
دا الجنة فى رحمته-------لو كنتوا ليه عُبّاد
لكن طُغاة البلد---------قعدوا له بالمرصاد
الكفر غطّى العقول-- -----والشرك والإلحاد
وفى لحظة ربّى أمر---ريح صرصرٍ على عاد
ودمّرت حصنهم-----------ودمّرت أجساد
******
*****************
5--سيدنا صالح عليه السلام
********
سلام الله ياصالح ---أتيت ثمود
بوحى الله تهديهم----وكنت ودود
تنادى إعبدوا ربّى---إليه هنعود
ولا ل الشرك والفحشاء---يا أهل ثمود
******
ورغم النُصح والإرشاد---وإصرار النبى صالح
بيدعوهم وكلّه رجاء—ياقومى إعملوا الصالح
وطلبوا معجزة طلعت –من الصخرة دليل شارح
ناقة يشربوا لبنها—----وخيرهم فيها ومصالح
وليها شرب يوم معلوم---وليهم شرب يوم طارح
ولكن أشقى قوم ثمود—---بيعقرها وكان كالح
******
كأن الناقة لم تردع—رموز الشرك والإلحاد
فلا الآيات تِخوّّفهم---وأشقاهم بكفره زاد
ويرسل ربنا الرجفة---يدمرهم وفى الميعاد
وموعد ربى لا يُخلف---ثلاثة وانتهى الأوغاد
************************************************** **************
6--سيدنا شعيب عليه السلام
******
*****
مدين ومن ظُلمها------كان أهلها أشرار
ياقطّاعين السُبل ----------ياجالبين العار
ليه الميزان تبخسوا؟----- والكيل يا أقذار
والأيكة ليها تسجدوا---شجرة من الأشجار
سيدى النبى قال لكو-----تحذيره قاله مِرار
لا تعبدوا غير هو-----------الواحد القهار
لكن بظلم الغبى---------صممتوا وبإصرار
الصيحة كانت الجزاء---ومصيركوا هو دمار
*********************
****************
قصص الأنبياء بالشعر العامى
********************
أشعار الدكتور صبرى إسماعيل
********************
الجزء الثالث
سيدنا{إبراهيم_لوط_إسماعيل}
7--إبراهيم عليه السلام
*********
أمّا الخليل سيدى النبى-- عليه سلام الله
كان عينه دايماً فى السما—ربّى العظيم يِرعاه
شمس ونجوم شاف القمر –قال اِحنا فوقنا إله
لا تعبدوا يااهلى الحجر –لا تعبدوا إلاّه
حطّم صَنمهم بالأمل—ماهو جهلهم أهداه
كفر وخراب الأمكنة----والظلم والمداراه
وساب كِبيرهم بالميدان-والفاس عليه أبداه
هاجوا وسألوه السبب—قال الكبير أغواه
رددها قال اسألوه—شاور عليه سمّاه
قالوا وهل ينطق صَنم –بسرعة قال ربّاه
ليه تعبدو حجر أصمّ—وتسيبوا ربّ الجاه
ربّى العظيم اللى خلق---العالمين سوّاه
قالوا اِبراهيم اللى جنى---حطمّها ليه بيداه!
===============
واعلن كِبيرهم للجميع—إيدوا النيران هاتو الحطب
الكلّ كان صايبه سُعار—صايبة الغباوة والغضب
والنار بِتعلى وتشتعل—حتى الصبية بتحتطب
رموا الخليل وِسط النِيران—نظر الجميع شافوا العجب
النار بقت برد وسلام—وربّى يِحميه م الخطب
الله أكبر وعده حق—والوعد قرّب واقترب
مكتوب يكون إسحق نبى—وإسماعيل أبو العرب
نمرود ياكافر ياغبى----عامل جدال من غير سبب
قال ده يموت وده يعيش----أمّا غشيم بيقول عجب
قال إبراهيم احلى الكلام-----وبكل معنى للأدب
الشمس طالعه م الشروق—إعكسها يلاّ بدون هرب
بُهت الجبان الألعوبان----وحذاء ل راسه قد ضرب
سبحانه ربّى نعبدوه----يحمينا من ذلّ اللهب
===============
وبأمر ربّى , الخليل—يذهب ب سارة ل مصر
يِهجر بشر ظالمين-----والهجرة بعد النصر
كان البلاء واِبتلاء----ومُعجزات فى القصر
درس وكبير للملك—عقله وطاح فى الخُسر
أهدى ابراهيم جائزة—هاجر منارة العصر
ويكون مجئ إسماعيل—لينا العرب كالنصر
===========
بدأ إبراهيم رحلته ----فوراً إلى الصحراء
هاجر معاها الوليد—سيدى اسماعيل برجاء
إتعجبت م الخبر—-----لكن بدون إِبطاء
مادامه ربّى أمر—-----لازم نطيع ماشاء
يِبكى اسماعيل م الظمأ—هاجر تِنادى الماء
وتسعى بين الصفا ------والمروة الصمّاء
فجأة المياه اتفجرت ---من زمزم الحوراء
ما أروعك يانبى—------وليك يسيل الماء
دعوة خليل رَبّنا-----—بِالرزق والإنماء
ساد العمار فى الصحر—مكة وبعد خواء
===============
بالأمر قال ربّنا----إدبح وهوّ يطيع
إلى الجِبين تلّنى----مع ربّنا ما نضيع
ورأفة منّه بِنا---وألاّ يكون تشريع
*****
سمع النِداء فى السما---وبأمر ربّ مُعين
الهدى يِفدى الصبى-الهدى كبش سمين
ما أرحمك رَبّنا –وبرحمتك آمنين
رفع اِبراهيم القواعد—والبيت بنوه الاِتنين
ودعا ابراهيم البشر—لِزيارته بالملايين
ما أربحه مين سمع—والقلب حنّ حنين
======================
ولمّا جات له الملايكة—وكان هدفهم لوط
علشان يواجهوا السكارى-والبغى والأخطبوط
اللى جميع الفواحش—دخلت فى راسه الغتوت
======================
ولمّا جات البشارة—باِسحق عليه السلام
صكّيتى وجهك ياسارة—مِتعجبّة م الكلام
فرح النبى الكريم—وسجد لرب الأنام
8--سيدنا لوط عليه السلام
=====================
راحت الملايكة ل لوط-فى الليل معاها نذيرها
والغوغائية شُخوص—بالظلم يُعلن خسيرها
عايزين ضيوفك يالوط—ونبّى ربّى يسايرها
الصبح تِسرى بأهلك---ويكون قدرها مَسيرها
مايِلتفت حدّ مِنها—والزوجة تحرقها نارها
كانت من الغابرين---كافرة وماتت بِعارها
نزّل عذابه إلهك—داقت الجهالة مرارها
أرسل عليهم حجارة--على قوم لوطٍ وزالها
ويكونوا عبرة ل غيرهم-الظلمة دى هى حالها
====================
9--سيدنا إسماعيل عليه السلام
****
فى مكة يبنى اسماعيل---الكعبة معاه الخليل
ويدعوا جد العرب----لعبادة ربّى الجليل
عربى فصيح منطقه-----أول ما ركب الخيل
عليك سلام الله---يانبينا إسماعيل
****************************************************************************************************************************************************************************************************
قصص الأنبياء بالشعر العامى
********************
أشعار الدكتور صبرى إسماعيل
********************
الجزء الرابع
سيدنا{إسحق_يعقوب_يوسف}
10--سيدنا إسحق عليه السلام
******
****
عليك سلام الله----إسحق يإبن الخليل
يابشرى من ربنا----ل سارة ومن الجليل
بنت ايديك مَقدسى----وتركت جيل ورا جيل
يعقوب وراه أنبيا----كانوا ل بنى اسرائيل
-سيدنا يعقوب وسيدنا يوسف { عليهما السلام}
*****
يعقوب ياسيدى النبى---إسحق أبيك ربّاك
وبعد طول السفر-------ونبوة ربّى اهداك
رزقك يجيلك صبى-----يوسف ونور أبكاك
إخوانه إحدى عشر---إحكى يوسف رؤياك
همَّ وشمس وقمر---سجدوا وكان بُشراك
الحقد يِعمى القلوب------والكيد ماأدراك
*****************
إخوة يوسف أعلنوا----أبونا حَبّه موت
وفى لحظة بيقرروا—يوسف لابد يموت
إرسله معنا غداً---—يلعب ويوم ويفوت
رفض الحبيب النبى-وقال سيبوه فى بيوت
أخاف عليه من ذئب—ويضيّعه جبروت
****************
لكن لإنّ القدر--------مكتوب فى عِلم الرب
وبرغم خوف النبى-----—يعقوب كبير القلب
إخوانه شالوا الصبى—ورموه فى غيب الجُبّ
وأمام أبيهم بكوا—-------وقميص ودمٍ كذب
ردّ النبى سوّلت --------–أنفسكوا أمراً كرب
بالله أنا هاستعين—-----منّه الصفاء والحبّ
ولمّا ربّى يريد—-----يوسف يسير ع الدرب
مرّت عليه قافلة------------مرّت ولِيهم إرب
أدلى ساقيهم دلو—-----علشان مياه للشرب
وجدوا البُشارة غُلام—أسروه وراحوا للغرب
*****************
فى مصر كان العزيز---اللى اِشتراه ربّاه
ولمّا شبّ الفتى---الله عليه الله
فى الحُسن ماله شَبه—حِكمة وعقل وجاه
وتراوده زوجة عزيز—كان عقلها فى متاه
يجرى الكريم ل الباب---وهىّ تِجرى وراه
فجأة عزيزها دخل—صرخت وقالت آه
حاول معايا الفتى—رد النبى ربّاه
لكن لأنّه النبى---إختاره ربّى حباه
نطق الصديق بالخبر---والحقّ ماأعلاه
إن كان قميصه اتمسك—م الخلف صدقناه
لقيوا القميص اِتمسك----م الخلف ربّى حماه
طلب العزيز م الفتى –يُسكُت مايفتح فاه
لكن بِرغم السكوت—وصل الخبر اقصاه
******************
ولمّا لامها النِسا—على فعايل شين
جَمعِت نساء البلد—وفَرقِت سكاكين
أخرج عليهم يوسف—شافوا الجمال الزين
سابوا الثِمار فى وله—وقطّعوا فى إيدين
حِلفت لازم تِسجنه—لو ما استمع ويلين
لكن لأنّه النبى---ولأن عقله رزين
ينده يقول {هاتسجن}—ولا أبقى م العاصيين
عجيبة دنيا البشر—ياما فيها ناس ظالمين
غبى فى نعيم يِنطلق—ويتسجن آمنين
***********************
يوسف بأمر السميع—تأويله كان جِوّاه
فسّر كِتير أحلام----—والآية فى رؤياه
ياصاحبىّ السجن---الأتنين وكانوا معاه
واحد هيخدم ملك—قال له بشوق وصّاه
والتانى اللى اِتشنق—قال له الكلام سمّاه
ماأسعده من نبّى ------رب الوجود ويّاه
وف مرة شاف الملك—فى الحِلم ما أعياه
نده الحرس يِسأله—---ماحدّ قال وشَفاه
قالوا فى سِجن البلد-----مُلهم وربّ هداه
**********************
بقرات سمان يأ كلوا—سبعة بياكلوا عِجاف
وسبع سنابل خُضر—وسبعة صابها جفاف
قال الكريم أولاً –-----أنا طالب الإنصاف
برائتى م اللّى جرى-—وشِهادة بالإعفاف
قال النساء رأيهم—-نطقوا الكلام شفّاف
أنا راودته أنا----------وهوّ م الأشراف
سبع سنين الرخا------سبعة تليها عِجاف
القمح فى سُنبُله—-----ونخزّنوه مانخاف
نِغلِب سِنين الجفاف---ونعيشها دون إرجاف
قام الملِك يُشكُره--------—ويكلّفه بإنصاف
يكون عزيز البلد-------وكأنّ يعقوب شاف
بعد السجون والتعب –يِصبح وزير مِضياف
وفى لحظة ييجى اخوته—معهم بضاعة ضِعاف
قال هاتوا أخاً لكم --------م الأبّ يا أشراف
بدونه ولا ابيع لكم—-ولا اكيل لكم مِنساف
******
رِجعوا لابوهم بكوا---—وقدّموا الأعذار
إرسل معانا الفتى-------نَكتل ونِبقى كِبار
رفض العزيز بيعنا------—وكأننا أشرار
يعقوب بخوفه نده -------{يارب ياستّار}
أمِّنتكم من زمن—يوسف وضاع فى نِهار
عايزين أخوه يختفى—ياخوفى من إعصار
ودعا إله الكون--------إجمعنى بالأخيار
وقلبه كلّه أمل--------فجأة تيجى الأخبار
واوصى بنيه كُلّهم—والسِرّ فى الإصرار
أبواب كِتير إدخلوا------مِتفرقّيين أخيار
عرف الفتى يوسف--------لمّا يُريد جبّار
أخفى الصِواع فى الرحل—وأعلن الإنذار
اللّى سَرَق يِتسجن—-----ياروعة الأقدار
بدأوا برحال إخوته----ولاقوه معاه بقرار
رجعوا بهمّ وحَزَن----—ياخيبة الأشرار
وبكلّ حِسّ النبى ----يعقوب يقولها مرار
عودوا لمِصر ابحثوا—يوسُف واخيه أحرار
رجعوا ويالا العجب—شافوا النبى المُختار
يوسف يرّحب بهم---------وقدّموا الأعذار
رجعوا بقميص النبى---يوسف وبيه إشعار
يعقوب يقول ٌقرّبوا—-----يامعشر التُجار
ريحة وليدى ابتدت----يوسف وإبنى البار
يَعقوب ورغم العمى-—وبالقميص أسرار
لمس عنيه القميص—فى التوّ عاد إبصار
شكروا الإله كُلّهم----—واستغفروا القهّار
سافروا لعند النبى—دخلوا عليه الدار
إحداشر اللى سجد—شمس وقمر فى نهار
الرؤيا صارت حقيقة—والذكرى للأبرار
سُبحانه ربّى وهب—الحِكمة والإبصار
==================
*****************************************************************************************************************************************************
قصص الأنبياء بالشعر العامى
********************
أشعار الدكتور صبرى إسماعيل
********************
الجزء الخامس
سيدنا{أيوب_يونس_داوود_سليمان}
12--سيدنا أيوب عليه السلام
****
أيوب ياسيدى النبى---بعد الغِنى والمال
فى لحظة صابه البلاء---والحال تلاه الحال
أيوب يارمز الصبر-----ومهما كات الأحوال
زوجة ونالت الرِضا---كان صبرها يتقال
أيوب وصبرك قوى—صبرك كصبر الجبال
ولمّا آن الأوان---------بعد المثول وامتثال
ترفع إيديك للسماء—تدعى وليه ذى الجلال
تِرجع كما كنت واحسن---وتِكون بصبرك مِثال
******
******
13--سيدنا يونس{عليه السلام}
*********
عليك سلام الله يونس ياصاحب الحوت
سنوات بتدعوا البشر ياما سِنين وتفوت
تِغضب تغادر ارضهم تِركب سفينة الموت
وبأمر ربى القوى تِنزل فى بطن الحوت
لولا الدعاء القوى منّك يارب القوت
{لا إله إلاّ أنت سُبحانك إنّى كُنت من الظالمين}
رددتها بالصوت
وفى العراء ينبذك—رب الوجود بالحوت
يقطين وبيه يسترك—اللى بإيديه ملكوت
******
*****
14-سيدنا داوود عليه السلام
*****
عليك سلام الله ----------يانبّى ربّى داوود
نبىّ إنت وملك----------وفى الكِتاب موعود
فى قمة المعركة------------ترمى بأمر الودود
ترشق فى صدر العدو---ويموت فى لحظة جالوت
تِصبح كبير البلاد----------من شرقها للحدود
تدعو لتوحيد إلهى------والخير لكل الوجود
ينزل عليك الزابور----فيه الجِنان والوعود
وربى سخّر معاك------طيرها وجبالها قعود
وإن تسبّح تِسبّح-------وفى الكِتاب العهود
وفى الكِتاب ذكر ربى---حكمة وعقلك داوود
--سيدنا سليمان عليه السلام
*******
*****
عليك سلام ربّى ------سيدى النبى سليمان
أورثك ربّى المُلك---------ونبوته وسلطان
تعرف لغات الطير--------والنمل والحيوان
والريح يسخّرها-----------تِذهب لأى مكان
تحكم فنعم الحُكم----------بالعدل والإحسان
بالوحى ربّى ارسلك-------ل هِداية الإنسان
هدهد يغيب تِسأله------ويرد رُحت ل مكان
بلقيس بِتحكم سبأ-------بالشِرك والكُفران
تِرسل رِسالة لها--------وتجِمّع الفِرسان
مارأيكم كلّكم------فى مُعارضته خُسران
تيجى الوفود بالهدايا----ويردها الإيمان
وينكّروا عرشها----تُدخل وليها إمتحان
يِكرمها ربّى بهدايته---تِسلم تِحسّ بأمان
بالعدل تحكم وتهدى-اللى غلبهم شيطان
ولمّا ربّك بيأذن-------ترحل إليه وبحنان
والكلّ شغّال بهمة---والوقت أعلن وحان
ماحد يعلم بموتك---لا إنس أو حتّى جان
الدابة تنخر عصاتك---وساعتها موتك يِبان
سبحانه ربّى اللى وحده---عالم بغيب الزمان
**********************
قصص الأنبياء بالشعر العامى
********************
أشعار الدكتور صبرى إسماعيل
********************
الجزء السادس
سيدنا{ موسى}
16--سيدنا موسى عليه السلام
*****
ولمّا ربّى أمر -----–بالأمر {كُن فيكون}
تيجى بُشارة النبى—زاد الضياء فى الكون
هزّ الجناة الخبر—--صاب الفزع فِرعون
*********
فى مصر كان الغبى-فرعون وله صولات
بيدبّح اللى اِتولد--------ياخيبة القرارات
فاكر بِفعله نجا—-------ويمنع الإرادات
إرادة اللى خلق-------الأرض والسموات
أوحى لأمّ النبى—-----عليه ألاف سلامات
إن خِفتى إرمى الصبى—فى اليمّ والموجات
**********
ياأم موسى ثِقى--وارمى الكريم فى اليم
ومهما كان وحصل---- ماتشيلى مرة همّ
راجع بإذن القوى ---–ماترضّعه غير أمّ
********
الموج بكل الرضا –---واخده إلى فِرعون
الباغى قال نِقتله---—وآسيا صدر حنون
قالت داإبنى أنا------- وبإذن ربّى أصون
******
فِرعون بخوفه اختبر—بالتمر والجمرات
قال لو نصيبه التمر—راح يبقى م الأموات
لكن بفضل الولى—موسى اختار الجمرات
*********
والمرضعات تِجتمع --–لكن بدون فايدة
وأم موسى بكت-----—جِوّاها نار قايدة
رجع النبى ل حضنها—وتمام كما رايدة
*********
وموسى لمّا كَبَر ----–وبقاله ألف حبيب
فى لحظة شاف الفِتن—هاجر لحد شُعيب
بأمانته وبقوته—-----أصبح لقلبه قريب
فجأة شُعيب زوّجه-- بنته فى ظرف صعيب
*********
ولمّ آن الأوان –-----موسى يعود منصور
ويقابله نور رَبّنا---—ورسالته عند الطور
إرمى العصا تِتقلب----—حيّة تواجه الجُور
واذهب ل فرعون غبى—ظَلَم البَشر بغرور
************
موسى بكلّ الرِضا—يطلب يارب يكون
هارون يكون لى سند—ونواجه الفرعون
اللى بغروره بغى—نشر الفساد فى الكون
*********
يوم اِحتفال البلد—------اِتجمّعوا السحرة
من كل بلدة أتوا------—متوقعيين شُهرة
فرعون بحلمه انتشى—واقف وبيه فُخرة
ومعاه بنى اسرائيل—---ماأسوء السُخرة
***************
ورموا الحبال خادعة—شاف البشر تعابين
سيدنا موسى رمى ------–لكن بأمر مُعين
صارت العصا أفعى--------وتاكل التعابين
عبرة لكل البشر—----آية ودليل ع الدين
وقال تعالوا اعبدوا—ربى وحِصن حصين
دخل الإيمان قلبهم—سجدوا لرب الدين
لكن كبير الطغاة----—ولإنّه م الخايبين
أعلن أنا ربكم--------—ياخيبة الفراعين
**********
قارون بماله طغى---------وغرته المفاتيح
وقلبه مات وانطوى----وكان غروره صريح
ربى العزيز أهلكه---خسفه انتهى التجريح
******
موسى وواخد غلامه-----فى رحلة التعليم
ربّى بارادته أمر----والخضر صدره حليم
خرق السفينة زعل-----والفعل أمر حكيم
قتل الغلام انفعل-------سبحانه ربّى عليم
بنى الجدار اعترض---موسى بقلب سليم
فسرها سيدى الخضر---ماأروع التعاليم
*******
سيدى النبى موسى---- ومعاه جميع الاسباط
ساروا فى طريق الشرق—فرعون وصابه احباط
طلع بسرعة وراهم—---وصل الشواطئ شاط
ولمّا شاف البحر------—يتشق يبقى صراط
بنى اسرائيل يِعبروا—-----ورسول بكل ثبات
أمّا كبير الطُغاة—-------ماخدش منها عِظات
ورغم شق البحر--------—وعظمة العلامات
يِهجم عليه الموج --------–ويسدد اللكمات
فرعون بجسده نجا-----—لكن بروحة مات
********
وبرغم شقّ البحر--—والأمر رؤيا العين
بنى اسرائيل يِعبدوا ----–العِجل بالتخمين
ويكدبّوا الأنبياء—---ولا يدخلوا فلسطين
ويعيشوا تيه الصحر------ولإنهم ظالمين
ورغم سلوى ومنّ-----عدس وبصل طالبين
وعصا تفجّر عيون—من نبعها شاربين
*********
بنى اسرائيل افتروا—--وطلبوا رؤيا الله
ربّك يدكّ الجبل—---دخل الطغاة فى متاه
بنى اسرائيل اِعتدوا-فى السبت بالمداراه
بنى اسرائيل أعلنوا ------عزير إبن الله
بنى اسرائيل يقتلوا------- كل انبياء الله
بنى اسرائيل يِظلموا ---موسى ماخافوا إله
بنى اسرائيل أنكروا --–بُشارة هىّ الجاه
محمد المصطفى----—وإبن عبد الله
=============
=====================
قصص الأنبياء بالشعر العامى
********************
أشعار الدكتور صبرى إسماعيل
********************
الجزء السابع
سيدنا {عيسى وزكريا ويحيى}
===================
17--سيدنا عيسى عليه السلام
ومعه سيرة 18و 19زكريا ويحيى عليهما السلام
*******
مريم ياأمّ النبى—يامنحة م الرحمن
الرزق بيكى نما—عهد الرضا وأمان
زكريا سيدى النبى –يرعاكى باِطمئنان
ولمّا ييجى الوقت—أعظم زمان وأوان
زكريا يدعوا القوى---- –يارب يامنّان
ترزقنى بالذرية—------رد الإله {فالآن}
قال له يارب الكِبر—والشيبة ليها اِمتحان
سأل العظيم الآيات—-كان الكلام بالمعان
تلت ليالى ماينطق—--كما ينطق الإنسان
والبشرى كانت نبّى—يحيى فى خير زمان
=======
ولمّا شاء الإله—أرسل إلى مريم
الروح بفضل القوى—وكَرَمها بالأقيم
والنفخة كانت هبة—ورزقها الأديم
=======
ولمّا شاء ربنا-- ييجى الملاك بالخير
بالروح يكون الأمل—وخيرة المشاهير
نفخة وكان الصبى—عيسى رسول الخير
=======
الله أكبر خلق-------أدم بدون أزواج
وبرضه حواء خلق—قادر بغير زواج
حملت بكل الرِضا—--ودعوة المحتاج
يارب إنت القوى—----ياخالق الأمشاج
سيرة المخاض فى الكُتب—والنخلة ليها عِلاج
هزّت ونَزل الرُطب—مايخالف المنهاج
*******
شالت ولدها النبى—-ودخلت الأحياء
سألوا بمكر العِدا—والكلّ ليها أساء
نذرت تِصوم ع الكلام—نطق النبى ببراء
أنا عبد رب البشر—جايلكوا بالأنباء
سلمت يوم مولدى—ومريم العذراء
ثار الملك هيرودوت—هربوا بدون إبطاء
يوسف أخدهم هرب—والقلب كلّه رجاء
يوسف وعيسى النبى—ومريم العذراء
جابوا القرى فى مصر—واتشرفت سيناء
ولمّا مات الملك—وقالت الأنباء
رجع التلاتة سوا—للموتى والأحياء
======
سيدنا عيسى النبى—أُنزل عليه إنجيل
بشارة المصطفى—واحد ومش أناجيل
وبأمر ربّ الكون---عيسى بيشفى عليل
ويحيى ميت قضى—أمر الإله ك دليل
ويشفى إيده العمى—واكمه بدون تحاليل
والأبرص اللى اشتكى—بيجملّه الأكاليل
رد الطُغاة العصاة—بالظلم والتضليل
فى لحظة عيسى رُفع—سبحانه ربّ جليل
=====================
قصص الأنبياء بالشعر العامى
********************
أشعار الدكتور صبرى إسماعيل
********************
الجزء التامن
سيد الخلق
20--سيدنا محمد بن عبد الله
عليه أفضل الصلاة والسلام
ُولد الأمين{عامية مصرية}
*******
وُلد الأمين فى نفس عام الفيل جـاء
والجد عبد المطلب أعلنها يا قوم البراء
أما الجمال فربها والبيت ربه فى السـماء
والمولى مزق أبرهه والفيله والعسكر سواء
حتى النيازك والشهب زادت كثافة فى الفضاء
والكاهنون تكهنوا اليوم مولد أنبياء
ولد الأمين والدنيا زادت فى البهاء
والأم قد ماتت كذا أصبح يتيمـًاً لا أباء
وحليمه خير المرضعات قد أستجابت للنداء
قد شُق صدره عندها وطهروه فى وعـاء
كان الصدوق كان الأمين كان خير الأوفياء
والسحابة ظللته رحلة الصيف الوجاء
رحمة م المولى هو والمكان كان حـراء
عابداَ ربى بصدقٍِِ رافض الشرك الهراء
لا إله إلا ربّى قالها جهراّ خـــفاء
ولذا كانت خديجه--زوجة من خير النساء
عندما بلغ أربعين كان للوحى إبتداء
أقرأ أقرأ قالها جبريل غطّه حين جـاء
زملينى زمـلينى قد ألم بى عنــاء
يومها علـم بأنه صار خاتم الأنبياء
أمنت معه خديجه وعلّى لبى بلا جفاء
أبو بكر معه أبو عبيده كانوا خـير الأصدقاء
زيد طلحه وإبن عوف والرجال الأوفياء
سعد عثمانً وياسر والبلال كان الفداء
زمجرت مكة وثارت كانوا بئس الأشـقياء
والأسد حمزة الذى عاب فى الـكفر وساء
والفاروق يوماً أتى شاهراً إسلامه جاء
خططت مكة بشرٍ حاصرتهم بإجتراء
قاطعتهم هجّرتهم للرقاب سـيفِ وداء
والنجاشى كان قوة كان بلسـم والدواء
حتى أبو جهل اللعين يرسم الخطة بدهاء
أقتلوهم بالسيوف يذهب الدم هــباء
والله يعلم مكرهم مكتوب للدعـوة ا لبقاء
خرج النبىّ ليثربِ وعلّى مثلُ للفـداء
فى غار ثور العنكبوت قتاله كان ا لبناء
حنى الحمام يناصره قد ضربوا مثلاً للولاء
وسراقه ولّى مدبراً قد ذاق معـنى الإبتلاء
يا أم معبد ما ترين قد سمن ضرع الشاه فاء
وأنقذ المولى نبينا والصديق والدين سواء
طلع البدر علينا وأرتفع صوت ا لنداء
وأتحد أنصارها معهم والإخاء
بدر جاء فجّروها مشركى مكة بغباء
وأنتصرنا والهزيمة للأعادى والجزاء
قد أتوا أحدُ وخندق كانوا مصاصى الدماء
وأنتصر اسلامنا فيها يفعل الله ماشـاء
يوم كان فتح مكة كان م الشـرك براء
حطم الأصنام أعلن أن لـه بذلُ عطـاء
نحن للتوحيد جندُ نحن بالرسـل إقتداء
نحن للإسلام درعُ بالنفيس وبالدماء
ننشد الغفران ندعوا رحمتك رب السماء
الرئيسية 
أحدث الصور 
التسجيل 
دخول 
